बैशाख २५ गते दीप प्रज्वलन गर्न सरकारको आग्रह

काठमाडौं,२३ बैशाख । सरकारले बैशाख २५ गते स्वास्थ्यकर्मीको सम्मानमा दीप प्रज्वलन गर्न आह्वान गरेको छ । मंगलबार बसेको कोरोना रोकथाम तथा नियन्त्रण उच्च स्तरीय समितिको बैठकले साँझ ७ बजे दीप प्रज्वलन गर्न आह्वान गरेको हो ।२५ गते वुद्धजयन्ती पनि परेको र कोरोना रोकथाम र उपचारमा खटिएका स्वास्थ्यकर्मीको सम्मानमा दीप प्रज्वलन गर्न आह्वान गरेको हो ।सरकारले वैशाख २५ गतेसम्मको लकडाउन बढाउने निर्णय गरेको छ । लकडाउनका कारण कोरोना भाइरसको संक्रमण नफैलिएको भन्दै पुनः लकडाउन बढाउने निष्कर्ष निकालेको हो । नेपालमा हालसम्म ८२ जना कोरोना संक्रमित फेला परेका छन् । भने १६ जना निको भएर डिस्चार्ज भएका छन् ।