मलंगवामा हुलाकी राजमार्ग निर्माणको मागँ गर्दै अनिश्चितकालनि बाटो बन्द

सर्लाही,१९ कात्तिक । विगत लामो समयदेखि निर्माणाधीन अवस्थामा रहेको सर्लाहीको हुलाकी राजमार्गको निर्माणको माग राखेर सर्लाहीका युवाहरु आन्दोलनमा उत्रेका छन् । मलंगवा नगर संरक्षण तथा सुधार समिति“द्वारा आज विहान ७ बजेदेखि मलंगवा नगरपालिका अन्तर्गतको वडा न–८ स्थित राजश्री चौकमा अनिश्चितकालीन बाटो बन्द सुरु गरिएको हो ।
लामो समयदेखि ठेक्का लागेको हुलाकी राजमार्ग ठेकेदारले लापर्वाही गरेका कारण लामो समयसम्म पनि अलपत्र अवस्थामा रहेको र पटकपटक जिल्ला प्रशासनको रोहवरमा स्थानीय जनप्रतिनिधि र सम्बन्धित निकायलाई राखेर छलफल गर्दा समेत ठेकेदार कम्पनीले कुनै सुनवाइ नगरेपछि बाध्य भएर आफुहरुलाई आन्दोलनमा उत्रिनु परेको समितीले जनाएको छ । अबको आन्दोलन निर्णायक भएकोले नगरपालिकाका सबै वडाअध्यक्षहरू, स्थानीय नगरवासी, युवा, विद्यार्थी, व्यापारी, बुद्धिजीवी लगायत सबैलाई सोही सूचना मार्फत सहभागी हुन आह्वान गरिएको समितिले जनाएको छ।