तीनदेखि सात दिनभित्रै कोरोना निको हुने औषधि बनाएको रामदेवको दाबी

सर्लाही,०९ असार । भारतका योग गुरु बाबा रामदेवले तीनदेखि सात दिनमै कोरोना निको हुने औषधि बनाएको दाबी गरेका छन्।मंगलबार आयुर्वेदिक औषधि सार्वजनिक गर्दै रामदेवले आफूले बनाएको औषधिले कोरोना निको हुने दाबी गरेको जनाएको छ।हाल कोरोना भाइरसविरुद्धको औषधि र खोप बनाउन विश्वभरका वैज्ञानिकहरुले प्रयास गरिरहेका छन्।यसबीचमा रामदेवको कम्पनी पतन्जलीले ‘कोरोनिल र स्वासरी’ नामको आयुर्वेदिक औषधि सार्वजनिक गरेको छ। यस औषधिले सत प्रतिशत कोरोनामुक्त गर्ने दाबी गरिएको छ।
हरिद्वारमा बाबा रामदेवले भनेका छन्,‘पुरा देश र विश्वले कोरोनाविरुद्धको खोप र औषधि पर्खिरहेका थिए। हामी पहिलो आयुर्वेदिक औषधि घोषणा गर्न पाउँदा गर्वको महसुस गरिरहेका छौं।’रामदेवले अनुसन्धान र परीक्षणपछि औषधि सार्वजनिक गरेको बताउँदै भनेका छन्,‘यस औषधिले ३ देखि ७ दिनभित्र कोरोना निको बनाउँछ।