डा.रामप्रकाश शाह बने मलंगवा प्रादेशिक अस्पतालको मेसु

मलंगवा,११ मंसिर । प्रादेशिक अस्पताल मलंगवाका नवनियुक्त नि .मेसु डा.रामप्रकाश शाहले पदभार ग्रहण गर्नु भएको छ । प्रादेशिक अस्पतालमा उहाँले हिजो पदभार ग्रहण गर्नु भएको हो । अस्पतालका नवनियुक्त मेडिकल सुपरिटेण्डेन्ट डा। शाहले अस्पतालको आफनै फारमेसी सन्चालन गर्ने कार्यलाई अगाडी बढाउन पहल गर्नुका साथै सेवालाई सरल र छितो छरितो बनाउन आफूले प्रयास गर्ने प्रतिवद्धता जनाउनु भयो ।
अस्पतालमा हाल प्रसूति तथा दैनिक मेजर तथा माइनर अपरेशन शल्यक्रिया दक्ष रुपमा हुने गरेको छ । आफ्नो नेतृत्वमा परिणाम देखिने गरी सुधार गर्दै लैजाने प्रतिवद्धता जनाउदैं नि।मेसु शाहले अस्पतालमा उपलब्ध हुने स्वास्थ्य सेवाहरूलाई चुस्तदुरुस्त बनाउँदै सकेसम्म सेवाग्राहीलाई अन्यत्र जानु पर्ने अवस्थाको अन्त्य गरिने उल्लेख गर्नु भयोे ।उपचारका लागि बाहिर जानु पर्ने अवस्थालाई क्रमिक रुपमा सुधार गर्दै लैजाने प्रतिवद्धता गर्दै उनले अस्पताल परिवार सबैको र स्थानीयको सहकार्यमा आफू अगाडि बढने बताउनुभयो । यसैगरी बढ्दो जनसङ्ख्यालाई सेवा दिनुपर्ने भएकाले गुनासोरहित स्वास्थ्य सेवाका लागि सबै चिकित्सक, स्वास्थ्यकर्मी तथा कर्मचारीहरुको साथा आवश्यक रहेको उहाँले बताउनु भयो ।
जनताले निःशुल्क स्वास्थ्य सेवा पाउनुपर्ने अधिकार प्रत्याभुति लागि अस्पतालको स्वास्थ्य बीमा कार्यक्रमलाईसुधार गरेर लैजाने प्रतिवद्धता जाहेर गर्नु भयोे । सबै नागरिकलाई स्वास्थ्य बीमामा सहभागी गराएर सेवालाई सरल र सबैको पहुँचमा पु¥याउनु पर्नेमा उहाले जोड दिनु भयो ।