NewsPolitics

सर्लाहीमा पनि स्ववियुका तीनवटै क्याम्पसमा मदान हुदैं

  • सदाम हुसैन
    सर्लाही, ०५ चैत । स्वतन्त्र विद्यार्थी युनियन (स्ववियु) निर्वाचन अन्तर्गत सर्लाहीका तीनवटै क्याम्पसमा मतदान सुरु भएको छ । बिहान ८ बजेदेखि मतदान सुरु हुने भनिए पनि तयारी गर्दा गर्दै केहीबेर ढिला गरी मतदान शुरु भएको हो । अहिले तीनवटै क्याम्पसमा विद्यार्थीहरु लामवद्ध भएर शान्तिपूर्ण रुपमा मतदान गरिरहेका छन् । मतदान बेलुका ४ बजेसम्म चल्ने छ । सर्लाही क्याम्पस मलंगवामा २२ सय ३७ जना, जनज्योति बहुमुखी क्याम्पस लालबन्दीमा ९९६ र चतुर्भूजेश्वर जनता बहुमुखी क्याम्पस सुखपोखरीमा ९९६ जना मतदाता (स्नातक तह र स्नाकोत्तर तहमा भर्ना भएका विद्यार्थी) छन् । स्ववियु निर्वाचनलाई मध्यनजर गरी तीनवटै क्याम्पसमा बाक्लो मात्रामा नेपाल प्रहरी र सशस्त्र प्रहरी परिचालन गरिएको छ । बेलुका ४ बजे मतदान सकिए लगत्तै बैठक बसेर मतगणना शुरु गरिने निर्वाचन अधिकृतहरुले बताएका छन् । राति अबेरसम्ममा मतगणना सकेर नतिजा समेत सार्वजनिक गर्ने तयारी छ ।
स्ववियु चुनाव: सर्लाही क्याम्पस मलंगवा

स्ववियु चुनाव: सर्लाही क्याम्पस मलंगवा

Leave a Reply

Your email address will not be published. Required fields are marked *