HealthNews

यूनियन स्थापना दिवसका अवसरमा प्रादेशिक अस्पताल मलंगवामा फलफूल वितरण

सर्लाही,१९ भदौं । नेपाल निजामती कर्मचारी यूनियनले स्थापना दिवसको अवसरमा प्रादेशिक अस्पताल मलंगवामा फलफूल वितरण गरेको छ । कर्मचारी यूनियन जिल्ला कार्यसमिती सर्लाहीले अस्पतालमा उपचारमा रहेका बिरामीलाई फलफूल वितरण गरेको हो । “राष्ट्रसेवा, निष्पक्षता, तटस्थता र कर्मचारी एकता“ मुल नाराका साथ कांग्रेस निकट भातृ सङ्गठनका रूपमा रहेको नेपाल निजामती कर्मचारी यूनियनले समाज सेवालाई निरन्तरता दिन प्रादेशिक अस्पताल उपचारमा रहेका ४० जना बिरामीलाई फलफूल वितरण गरिएको नेपाल निजामती कर्मचारी यूनियनको जिल्ला अध्यक्ष युगलकिशोर साहले बताउनुभयो । समाज सेवामार्फत दिवसलाई मनाउने क्रममा बिरामीलाई नेपाल निजामती कर्मचारी यूनियनले फलफूल वितरण गर्दा प्रादेशिक अस्पताल मलंगवाका प्रमुख मेसु संजिब कुमार सिहंले आभार ब्यक्त गर्नुभएको थियो । त्यस्तै प्रादेशिक अस्पताल मलंगवामा ब्यवस्थापन समिती अध्यक्ष सतिश कुमार साहले फलफूल वितरणले स्वास्थ्यकर्मी र बिरामीको मनोबल बढाउने काम गरेको प्रति खुसी व्यक्त गर्नुभयो । उहाँहरुले गरेको कार्यले समाजमा सामाजिक भावना पैदा हुने एक अर्का प्रतिको धार्मिक, आर्थिक, सामाजिक संस्कृतिको विकास हुने विश्वास लिएको उहाँको भनाइ छ ।

Leave a Reply

Your email address will not be published. Required fields are marked *