मलंगवामा दिनकर हस्पिटलद्वारा निसन्तानपनबारे सेमिनार सम्पन्न
सर्लाही,२७ असोज । मलंगवा नगरपालिका ८ स्थित दिनकर हस्पिटलको आयोजनामा निसन्तानपन (Infertility) सेमिनार सम्पन्न भएको छ । स्वास्थ्य क्षेत्रमा कार्यरत सर्लाही र भारतका स्वास्थ्यकर्मीहरूलाई आधुनिक प्रजनन उपचार र निसन्तानपनका कारणबारे विस्तृत जानकारी दिन आइतवार कुशुम पार्टी प्यालेसमा कार्यक्रम आयोजना गरिएको थियो । कार्यक्रममा सहभागीहरुलाई निसन्तानपनको समस्या, यसको उपचारका नयाँ प्रविधि र नेपालमै उपलब्ध समाधानका उपायबारे Maya IVF Clinic की वरिष्ठ स्त्रीरोग तथा प्रजनन विशेषज्ञ डा. रश्मि श्रीश र डा. समा श्रेष्ठले प्रस्तुति दिनुभएको थियो ।
उक्त क्लिनिकले स्त्रीरोग तथा प्रजनन स्वास्थ्यका क्षेत्रमा विभिन्न सेवा जस्तै स्त्री रोग परीक्षण, निःसन्तानपन परामर्श, गर्भावस्था चेकजाँच, अल्ट्रासाउण्ड , ट्यूब परीक्षण, आइ यू आइ ,टेस्ट ट्यूब बेबी, पूर्व–प्रत्यारोपण आनुवंशिक परीक्षण, पुरुष बाझोपन उपचार , लेजर ह्याचिङ, डिम्ब–शुक्राणु–भ्रुण फ्रिजिङ, हिस्टेरोस्कोपी / ल्याप्रोस्कोपी लगायतका सेवा प्रदान गर्दै आएको छ । हालसम्म ७ हजारभन्दा बढी बिरामीको सफल उपचार गरिसकेको Maya IVF Clinic नेपालका अग्रणी प्रजनन स्वास्थ्य संस्थामध्ये एक मानिन्छ । दिनकर हस्पिटलका संचालक डा. सरोज कुमार यादवका अनुसार सर्लाहीलाई निसन्तानको चपेटमा वर्षौंदेखि विभिन्न ठाउँमा भौतारिँदै आएका दम्पतीलाई अब सहजरुपबाट उपचारका निम्ति मलंगवामै काठमाडौँस्तरको सेवा उपलब्ध गराउन हामीले Maya IVF Clinic सँग सहकार्य सुरु गरेका छौं, जसबाट स्थानीय बिरामीलाई सहज, सस्तो र गुणस्तरीय उपचार उपलब्ध हुनेछ । ”प्रत्येक महिनाको अन्तिम आइतवार डा. श्रीश र डा. श्रेष्ठको टोली मलंगवा स्थित दिनकर हस्पिटलमा आउने गरेका छनर । आगामी दिनमा डाक्टरहरूको टोली महिनामा दुईपटक सेवा दिन आउने र अन्य दिनहरूमा पनि अस्पतालमार्फत जाँच तथा परामर्श जारी रहने जनाइएको छ।
