ब्रह्मपुरी गाउँपालिकामा प्रमुख प्रशासकीय अधिकृत दास हाजिर

ब्रह्मपुरी,२४ कात्तिक । सर्लाहीको ब्रह्मपुरी गाउँपालिकामा आज प्रमुख प्रशासकीय अधिकृत धनन्जयप्रसाद दास हाजिर भएका छन् । दासलाई गाउँपालिका अध्यक्ष रामपदारथ साह, उपाध्यक्ष ,वडाध्यक्ष, अन्य जनप्रतिनिधि र कर्मचारीले स्वागत गरेका छन् । प्रमुख प्रशासकीय अधिकृत दास छथर गाउँपालिका तेह्रथुमबाट सरुवा भएर ब्रह्मपुरी हाजीर हुनुभएको हो ।
यहाँ करीब दुई वर्ष निमित्त प्रमुख प्रशासकीय अधिकृतको रुपमा सकुशल जिम्मेवारी निर्वाह गर्नुभएका उपेन्द्र राउतले अधिकृत दासलाई स्वागत गर्दै आगामी दिनहरुमा पनि हामी सहकार्य र समन्वयका साथ पालिका अगाडी बढाउने बताउनुभयो । अधिकृत दासले नियमसगंत तवरले ऐन कानुनको परिधीमा रही पालिकाको समुचित विकासमा आफुले हरसम्भव भुमिका निर्वाह गर्ने प्रतिवद्धता जाहेर गर्नुभयो । दास अधिकृत गोडैता नगरपालिका निवासी हुन् ।